Bismillahhirahmanirahim . .
Kehidupan . . .
Jelas untuk sumo ore kehidupe tu hok kito sumo lalu hari-hari sapa ko mati. Serumo jadi ikut kehendak hati masing-masing. Supo ore rama-rama, kalu niat di hati nok jadi molek, dengan bekale usoho capo tawakal insyaALLAH jadi molek. Tapi, kalu bendo tuh sekadar niat di hati, tanpo usaha dan tawakal, sumo tu hanyo omong kosong, hanyo ange-ange.
Kehidupan . . .
Jelas dan nyato untuk kito, ange-ange tu tok selalu supo nga kenyatae, sama ado koho molek atau sebaliknyo. Kato ore tuo, kalu nok berange biar berpado-pado cukup ange-ange sebelum tido jah, wat jadi hibure hile stress seharie wat kijo. Tapi, denga ange-ange lah ado kalonyo wat kito sumo makhluk ALLAH ni jadi bersemangat nok wat kijo-kijo harie, bersemangat capa cito-cito hok diingini.
Kehidupan . . .
Jelas hidop ni keno ado cito-cito. Sama ado cito-cito jangko maso pendek atau pun jangko maso panje sumo atah keingine masing-masing. Mugo diri masing-masing hak milik sendiri, buke ore laen hok tentu melainke kalu kito masih kecik, masih belum akil baligh, masih belum matang.
Kehidupan . . .
Jelas bagi setiap umat manusio kematangan tu penting dale tentuke keputuse, dale penyelesaian masaaloh, dale kehidupe kito hari-hari. Tapi ramai ore anggap bahawo kematangan ni diukur berdasarke umur individu, itu sumo pendapat masing-masing. Tere-tere bendo tu saloh, kematangan ni ditentuke oleh pengalame. Untung bagi seseore manusio tu sebab pengalame, sebab kesulite hok pernoh dio lalui sepanje hayatnya. Kade-kade ore omo 21 tahun lagi cerdik banding denga ore hok umo 41 tahun. Pengalame ni anugerah Ilahi, buke sumo ore dapat. Pengalame ni samo jugok nok dikatokan sebagai cikgu perjalane kehidupe kito sumo sebagai umat manusio hok hidup atah bumi Allah ni.
Kehidupan . . .
Pilih kehidupan sendiri, itu untuk diri sendiri tok perlu kito nok berlagak lebih dari kemampuan kito, hanya perlu bersyukur denga hok ado. Syukur sajo tok jadi jugok, tapi tiap-tiap saat kito keno usaha bia sumo hok kita lalui jadi lebih baik, lebih baik dari dulu, lebih baik dari semale dan jugok untuk hari-hari akan date. Tadah tange, kuat memohon kepada Ilahi, agar Titian Perjalanan kito sumo sempurna dunia dan akhirat . . .
Amin ~~
- coretan Cik Razi
0 ulasan:
Post a Comment