Huh! Lamo doh tok ngarang neh. Maaf lah, aku ore KELATE, so aku ngarang pom dale bahaso KELATE. Kalu di kiro-kiro, ari nih masok 14 ari bule Januari doh. Tapi, aku raso tak dop gapo-gapo pom hok jadi, hok menarik dale hidop aku. Tiap-tiap hari mace-mace masaloh mari. Ado hok gi, ado hok mari. Kade-kade aku raso putus aso doh nga sumo nih. Tapi, di pikir-pikir balek. . ALLAH saye kito, sbb tu DIO uji kito ginih. Aku yakin dan aku pasti, ado bndo hok ALLAH nk tunjuk ko aku nga gp hok DIO wi nih . .
"Kerana sesungguhnya sesudah kesulitan itu ada kemudahan, sesungguhnya sesudah kesulitan itu ada kemudahan." (Surah Al-Insyirah: 5-6)
Tringat smula gapo hok tok guru aku ngaja maso aku skoloh pondok mulo, ALLAH ake wi jale kluar hok sene, hok gembiro ko hambo-hambo NYA yang beriman. Aku mohon YA ALLAH, YA RAHMAN, YA RAHIM. . . Aku mohon aku tergolong dalam kalangan hamba-hamba MU itu. . Gapo ok petim lonih, aku keno banyok2 bersabar, buko pitu hati aku seluas-luas mungkin. Banyok doa, banyok usoho nak betul balik sumo hok berlaku ni.
"...Barang siapa yang bertaqwa kepada ALLAH nescaya Dia akan mengadakan baginya (hamba) jalan keluar dan memberinya rezeki dari arah yang tidak disangka-sangka. Dan barang siapa yang bertawakal kepada ALLAH, nescaya Allah akan mengcukupkan (keperluannya)." (Surah Al-Talaq: 2-3)
Lonih, gapo hok kito keno yakin, ALLAH tak akan uji seseore hambo di luar kemampuannya . .
- coretan cik Razi
0 ulasan:
Post a Comment